JAMHORIAT KA TOHFA

                                      Wase to mulk ka nam he Islami Jamhoria Pakistan hai lekin 65 saaloun  mai Jamhoriat ne apna waqt kabhi bhe mukamal nhe kia .Pakistan banne kay bad 2008 mai PAKISTAN PEOPLES   PARTY ki daur-e-hukumat aye jis ne muqarara  waqt yani 5 saal pure kiay aur mulk ko JAMHORIAT ka tohfa dya. Ab sawal ye uthta hai kay jamhoriat jis ka matlb hai kay hukomat awam ki falah-o-behbod kay lae kam kare lekin ye to dur ki baat hai unhon ne  to mulk ko is dahane pay la kay khara kar dya hai jahan agay koaan aur pecha khaye wale soorat e hall haogaye hai. Awam se un kay bunyadi huqooq he cheen lye gaye hain unhon ne 5 saal mai awam to bohat se tohfay dye jse Balochistan mai dhamay khandan kay khandan khatam hogaye, ulma ka qatle aam, drawn hamlay aur dehshat gardi mai aye din izafa aur hukomat ki naaahli, Karachi mai aye din target killing agar average nikala jaye to taqreeban 10 log apne jan se rozana  hath dhoo bethte hain mulk mai anarkhi phelaye ja rahe  hai. Zindagi ki bunyadi zarooriat ROTI,KAPRA AUR MAKAN  jis ka naara lay kar ppp ki hukomat ai the lekin shehrioun ko is kay baraks sirf apne jan ki he fikar satati hai logoun ko ye tak maloom nahi kay aaj agar who ghar se nikle hain to sham ko loat kar ain gay bhee kay nahee !

                                     Yeah to thay mulki halat ab agar hum gair mulki halat par nazar dalen to wahan bhee aise he soorat-e-haal ka samna karna pare ga. Hamare sadar-e-pakistan sadar zardari sahab jo aye din ghair mulki daure karte rehte thay woh mulki mafadat kay lea hota thay ya phr zaati mafad kay lea kyun kay agar dekha jai to un kay daur-e-hukoomat main koi aisa kaam nazar nahi ata jo mulki mafad mai ho. Amrici imdad kay lea sadar sahab muzakrat karte hain woh imdad kahan jati hai swiss bankoun mai! kyun kay awam ko to is se koi faida hota nazar nahi ata. Aur jab hum bat krte hain imdad ki to kya sadar sahab imdad (aid) kay bajaye tijarat(trade) ki baat nahi kar sakte thay , hamare mulk may naye factories lagaye jain , naye school aur universities banaye jain, koi technical industry ki bunyad rakhe jai jis kay banne se mulk ko faida ho aur berozgari  khatm ho  aur mulk mai jo berozgari  ki waja se khud khushian hote hain uski sharah main kuch kami aye. Sadar sahab MULK SHAM ki soorat-e-haal par ghor kar rahe hain aur chahte hain kay wahn kay halat theek hojain to kia kabhi unhon ne apne mulk kai bare main soucha yahan bhee to loag aye din marte hain to kya woh unki zimedari nahi ?

                             Khair ye woh haqeeqat hai to jamhoriat kay khatm hone tak hamen mili lekin jo ab sorat-e-hall hai us se kese nimta jai aur who kaunsa aisa leader hai jo waqai mulk dost hai ap kia samajhte hain kay who kon ho sakta hai jo mulk ko is soorat-e-hall he bahar nikale ga.

Apne khayalat se hamen bhe agah karen.